Tui si klei hâo mdah mơ̆ng knơ̆ng bruă sang čư̆ êa kdriêk Mdrak, knơ̆ng kdơ̆ng êa akŏ krông Pač păng leh êa, mgơ̆ng êa mơ̆ng hlăk mlan 3/2023. Siămdah truh kơ ară anei knŏng mrâo mâo hlăm brô 450 gŏ êsei hlăm ênoh êbeh 700 gŏ êsei dôk hlăm krĭng ênao êa, đuĕ nao dôk kơ anôk dôk mrâo mrô 1 lehanăn mrô 2 ti kdriêk Ea Kar. 

Hlăm ênoh 250 gŏ êsei ka mâo mbĕ đuĕ ôh, mâo 28 dôk hlăm ênoh tuôm hŏng wăl êa đĭ ti hnơ̆ng 483m, jing ênưih tuôm hŏng klei êa lip tơdah adiê hjan prŏng, thâodah knơ̆ng êa kđăl êa, êa srăng lip. Nô năng dŭm gŏ êsei anei brei đuĕ leh mơ̆ng êlâo kơ hruê 30/3/2023, dôk hlăm ênoh gưl 1, gưl 2 mơ̆ng bruă mgô̆ brei đuĕ hŏng dŭm gŏ êsei ka mâo kei čiăng đuĕ. Mbĭt hŏng bruă mgô̆ 28 gŏ êsei brei đuĕ hlăm wăl êa đĭ ti hnơ̆ng 483m anăn, knơ̆ng bruă sang čư̆ êa kdriêk Mdrak anăn lŏ jih ja tiê mtrŭt dŭm gŏ êsei adôk bi mbĕ đuĕ mơh mơ̆ng wăl ênao êa./.