Daklak mkŏ mjing 3 êpul mlih bruă, mkŏ mjing bruă ksiêm dlăng klei doh êƀăt mnơ̆ng ƀơ̆ng
Thứ tư, 10:30, 16/04/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Kñăm ngă tŭ jing “Mlan mă bruă kyua mnơ̆ng ƀơ̆ng huă” thŭn 2025, Knơ̆ng bruă sang čư̆ êa čar Daklak mkŏ mjing leh 3 êpul mlih lu dhar bruă, mkŏ mjing klei ksiêm dlăng hnơ̆ng doh êƀăt mnơ̆ng ƀơ̆ng huă ti dŭm alŭ wăl hlăm čar.
Snăn, mơ̆ng hrue 15/4 - 15/5, dŭm êpul mâo ksiêm dlăng klei doh êƀăt mnơ̆ng ƀơ̆ng ti 9 alŭ wăl hlăm čar. Kñăm mđĭ hĭn bruă klam mơ̆ng knŭk kna kiă kriê kjăp kơ klei doh êƀăt mnơ̆ng ƀơ̆ng, hmao dưi ƀuh lehanăn gang mkhư̆ dŭm klei ngă soh hlăm bruă duh mkra mnia mblei mnơ̆ng ƀơ̆ng, lehanăn ksiêm wĭt mlan mă bruă mâo ngă leh hlăm dŭm alŭ wăl.
Mơ̆ng klei ksiêm dlăng anei, dŭm anôk bruă djŏ tuôm ăt srăng ksiêm dlăng nanao, gang mkhư̆ ƀư̆ mkra bruă anei, lehanăn kiă kriê kjăp hdră mă bruă čiăng bi mâo mnơ̆ng ƀơ̆ng doh hlăm čar./.
Viết bình luận