Aguah mbrue 10/3, Phŭn bruă lŏ hma hgŭm leh hŏng knơ̆ng bruă sang čư̆ êa čar Daklak mkŏ mjing klei mphŭn ba yua knơ̆ng kdơ̆ng êa hŏng ênoh bi liê êbeh 1.600 êklai prăk tjing knơ̆ng Ea H’leo 1, jing leh bruă yuôm bhăn mghaih msir klei kƀah êa ti kdriêk Ea H’leo. K'iăng khua knŭk kna  Trần Lưu Quang dự bi klă bruă mphŭn ba yua knơ̆ng êa anei. 

Knơ̆ng kdơ̆ng Êa H’leo 1 mâo phŭn bruă lŏ hma brei klei dưi rŭ mkra mơ̆ng hlăk thŭn 2017, hŏng ênoh dưi mgơ̆ng jing truh 26 triệu m3. Jing knơ̆ng êa tal êlâo hlăm čar Daklak lehanăn hlăm alŭ wăl Lăn Dap Kngư mâo knơ̆ng kdơ̆ng gang êa krông pioh mjing ênao hŏng betong ktang. Knơ̆ng êa anei kñăm mkăp êa kơ mnuih ƀuôn sang pla mjing, hdĭp mda, nga bruă hiu čhưn ênguê. Đru kơ klei mđĭ kyar kjăp. Tui si klei čuăl mkă srăng dưi krih mđoh truh kơ 5.000 ha lăn pla mjing, mâo êa mnăm kơ êbeh 15.000 čô mnuih hlăm krĭng./.