Čar Daklak mâo hlăm brô 460 êbâo čô hlăk ai êdam êra mơ̆ng 16 – 30 thŭn hlăm anăn êbeh 116 êbâo čô hlăk ai mnuih djuê ƀiă. Mơ̆ng thŭn 2021 truh kơ ară anei, čar mâo mghaih msir leh bruă mă kơ giăm 61.000 čô hlăk ai, đru leh êbeh 10.200 čô êdam êra mâo čan prăk, mjing bruă knuă mă kơ êbeh 1.000 čô kahan leh jh wưng nao kahan.

Ti anôk bi kƀĭn êpul bruă êdam êra bi trông leh kơ klei hlue ngă klei bhiăn êdam êra, lehanăn mđĭ kyar bruă êdam êra hlăm wưng leh êgao. Msĕ si bruă bi mguôp hŏng knơ̆ng bruă sang čư̆ êa čar, dŭm knơ̆ng dhar bruă hŏng êpul hgŭm bruă êdam êra đru kơ klei mjuăt bi hriăm bruă knuă, tă êlan kơ klei mă bruă, mđĭ ai hlăk ai rŭ mjing bruă knuă./.