Daklak ară anei mâo truh 20 boh phŭn pui bi êran hŏng ai êa, lehanăn 5 boh phŭn pui bi knông hŏng čar mkăn dôk hlăm sa hnoh krông anăn.

Čiăng rơ̆ng dưi mâo klei êđăp ênang kơ jih jang dŭm knơ̆ng kdơ̆ng êa, lehanăn kơ krĭng nah tluôn knơ̆ng êa êjai hlăm yan hjan anei, čar Daklak mtră leh kơ dŭm knơ̆ng kdơ̆ng êa mâo hdră bi êran knơ̆ng êa bi djŏ, mđing nanao kơ yan adiê, čiăng mâo hdră mghaih msir bi pral tơdah hlĭm hjan truh, mtă kơ jih jang dŭm bruă sang čư̆ êa alŭ wăl lehanăn mnuih ƀuôn sang hlăm krĭng mâo klei bi mguôp kjăp kñăm bi ksiêm, mghaih msir ti dŭm anôk ênưih mâo klei amâo mâo jăk, lŏ bi kjăp anôk leh jhat, mkra wĭt bi pral./.