Boh nik, pôbi ala mơ̆ng 7 anôk bruă bi ala knŭk kna, 5 anôk bruă bi ala ti ƀuôn prŏng lehanăn dŭm boh čar hriê mơ̆ng dŭm ala čar msĕ si Mongol, Campuchia, Dhŭng Korea, Lao, lehanăn dŭm êpul bruă, êpul hgŭm, dŭm anôk bruă klei mrâo, lehanăn phung duh mkra mơ̆ng ala tač êngao.

Nao halăm dŭm klei mkŏ mjing knăm mơak kphê, êpul srăng bi nao čuă dlăng anôk pla mjing boh durian, anôk duh mkra pla mjing kphê, lehanăn dŭm alŭ wăl hiu čhưn ênguê Daklak. Mâo dua êpul kdŏ mmuiñ Champasak (Lao), Jeollabuk (Dhŭng Korea) nao hlăm knăm ruĕ êlan klông lehanăn nao mdah ti kdriêk Lăk, lehanăn Ƀuôn Đon. Êpul mkŏ mjing mtă leh kơ dŭm knơ̆ng dhar bruă êpul êya hlue ngă djăp bruă kăp drông tue, jum tue hŏng klei jăk, čiăng kơ knăm mơak kphê tal 8 thŭn 2023 tŭ jing./.