Dhar bruă gĭt gai Anôk bruă kƀĭn ala brei klei blŭ kơ Hdră bhiăn mnia mblei lăn ala, sang dôk (mkra mlih)
Thứ năm, 10:12, 24/08/2023
VOV TAYNGUYEN
VOV TAYNGUYEN
VOV4.Êđê- Lŏ dơ̆ng hdră bi kƀĭn tal 25, hruê anei, 24/8, Dhar bruă gĭt gai Anôk bruă kƀĭn ala mŭt hlăm tuôr bi kƀĭn tal 2, brei klei blŭ kơ bruă hlak mblang, tŭ mă, mkra mluh Klei čih mkra Hdră bhiăn mnia mblei lăn ala, sang dôk (mkra mlih).
Truh ară anei, klei čih mkra Hdră bhiăn mnia mblei lăn ala, sang dôk (mkra mlih) dưi čih mkra, bi leh lu mta phŭn, mâo phung thơ̆ng kơ bruă bi mni. Khă snăn, klei kơ prăk mgrơ̆ng êlaoa hlăm bruă blei lăn, sang dôk hlăm êdei anăp adôk lu klei blŭ mdê mdê.
Klei čih mkra Hdră bhiăn mnia mblei lăn ala, sang dôk (mkra mlih) mrâo ăt kčah mtrŭn amâo dưi tla êgao 95% hnơ̆ng tŭ yuôm klei kuôl kă blei tơdah ka dưi mkăp hră djă yua lăn, sang dôk. 5% ênoh prăk dôk srăng dưi tĭng tla tơdah anôk bruă djŏ tuôm mkăp hră djă yua lăn, sang dôk. Khă snăn, klei čih mkra Hdră bhiăn anei dôk kčah mtrŭn pô blei tĭng tla jih 100% ênoh prăk kơh Adŭ bruă bi mklă lăn ala ngă hră m’ar lehanăn mkăp hră dưi djă yua lăn./.
Viết bình luận