Dhar bruă gĭt gai bruă kƀĭn ala bi kƀĭn ksiêm wĭt jih jang klei bi kƀĭn mjêč tal 2 leh anăn tal 3, bruă kƀĭn ala 15
Thứ tư, 00:00, 15/02/2023
VOV Tây Nguyên
VOV Tây Nguyên
Vov4.Êđê- Lŏ dơ̆ng hlăm klei bi kƀĭn tal 20, aguah mbrue 14/2, ti gŭ klei kiă kriê mơ̆ng khua bruă kƀĭn ala Vương Đình Huệ, dhar bruă gĭt gai bruă kƀĭn ala mkŏ mjing leh klei bi kƀĭn ksiêm wĭt kơ klei bi kƀĭn mjêč tal 2, lehanăn tal 3, bruă kƀĭn ala gưl 15.
Ti anôk bi kƀĭn, Khua bruă kƀĭn ala Vương Đình Huệ mñă lŏ mđĭ hĭn klei bhiăn bruă mkŏ mjing hdră bhiăn, mghaih msir jih jang hră mơar bi djŏ hŏng hdră mtrŭn, ñĕ kơ klei mơĭt hră mơar amâo mâo djŏ wưng kčah, mă bruă amâo mâo kjăp.
Klah čŭn klei bi kƀĭn, Khua bruă kƀĭn ala Vương Đình Huệ lač, klei bi kƀĭn mjêč hŏng wưng pral, mă klei blŭ bi klă dŭm mta bruă yuôm bhăn rơ̆ng djŏ hŏng hdră bhiăn. Khua bruă kƀĭn ala mtă kơ knŭk kna, dŭm anôk bruă hlăm bruă kƀĭn ala, sang phat kđi gưl dlông, anôk bruă ksiêm bi mklă kđĭ klei yang ƀuôn gưl dlông, bruă mặt trận čar kwar, jih jang djăp êpul êya bruă kđi čar –yang ƀuôn pral mpăp kơ klei bi kƀĭn tal 5, bruă kƀĭn ala gưl 15.
Viết bình luận