Êlâo kơnăn, hlăm klei kƀĭn tal 4, bruă kƀĭn ala gưl 15, lu phung bi ala bi tŭ ư hŏng klei năng mjêč mơ̆ng bruă ba mdah klei bhiăn anei, êngao kơnăn, lu klei blŭ mñă klă srăng lŏ ksiêm dlăng dŭm gưl bruă čiăng rơ̆ng klei dưi ngă. Hluê anăn gưl 1 srăng dưn yua čiăng bi mdrơ̆ng, mgaih msir klei jŭ jhat, klei truh hlăm gưl kdriêk, gưl 2 hlăm gưl čar. Klei čuăn gưl bruă sơwil jing tur knơ̆ng bi klă klei dưi hưn mdah, lăm lui leh anăn dŭm hdră êlan dưi dưn yua hlăm grăp gưl.

Ăt hlăm hruê anei, Dhar bruă gĭt gai bruă kƀĭn ala ksiêm wĭt klei kƀĭn êngao hdră gưl tal 2 leh anăn tal 3, bruă Kƀĭn ala gưl 15, ksiêm dlăng, bi klă dŭm hdră mkăp kơ hdră mtrŭn ktrâo lač bruă hluê ngă klei bhiăn klei kƀĭn Bruă Kƀĭn ala leh anăn ksiêm dlăng hdră mkăp kơ hdră mtrŭn bruă klam, klei dưi, klei mkŏ mjing mơ̆ng êpul khua kiă kriê leh anăn bi klă hdră yang ƀuôn mơ̆ng Bruă kƀĭn ala ti mlan 12/2022 leh anăn mlan 1/2023.