Blŭ pŏk klei kƀĭn, Khua bruă kƀĭn ala Vương Đình Huệ brei thâo, hlăm gưl kƀĭn anei, Dhar bruă gĭt gai bruă kƀĭn ala srăng brei boh blŭ kơ 3 hdră bhiăn yuôm bhăn čiăng hưn mdah hŏng bruă Kƀĭn ala hlăm klei kƀĭn tal 5, mâo: Klei bhiăn mnia mblei sang lăn (mkra mlih), Klei bhiăn dăng kông (mkra mlih) leh anăn klei bhiăn hră kak asei (mkra mlih). Ăt hlăm gưl kƀĭn anei, Dhar bruă gĭt gai bruă kƀĭn ala brei klei blŭ kơ bruă hưn mdah hŏng bruă Kƀĭn ala klei bi klă bi mbŏ hdră čih mkra klei bhiăn, hdră bhiăn hŏng 2 hdră: Klei bhiăn êlan klông, Klei bhiăn răng mgang klei êđăp ênang hlăm êlan klông.

Mbĭt anăn, phung bi ala brei boh blŭ kơ hră hưn mdah mơ̆ng knŭk kna kơ dŭm hdră êlan mrâo hlăm bruă kriê dlăng klei mŭt kbiă, jưh dôk mơ̆ng phung mơ̆ng ala tač êngao ti Việt Nam leh anăn hdră mtrŭn mbĭt hŏng bruă Kƀĭn ala hlăm klei kƀĭn tal 5, hdră êlan duh bi liê êlan mkŏ krĭng dŭm čar Khánh Hòa, Ninh Thuận leh anăn Lâm Đồng.