Lŏ dơ̆ng hlăm klei bi kƀĭn kơ hdră bhiăn mlan 4, hrue anei (14/4), Bruă mkra êlan anei, srăng ƀơ̆ng jih truh 129 héc-ta, hlăm anăn lăn dliê, bi mlih klei dưi djă yua jing truh 75 héc-ta; hŏng boh taih jih jang hlăm brô 57 km. Anôk mkŏ hŏng êlan dơ̆ng prŏng mrô 27C čar Lâm Đồng, kdrêč knhal tuič mkŏ hŏng čar Khánh Hòa lehanăn čar Ninh Thuận. Ênoh bi liê tĭng tal êlâo hlăm brô 1 êbâo 929 êbâo êklai prăk.

Tui si tĭng srăng bi leh mkra êlan anei hlăm thŭn 2027. Khua bruă kƀĭn ala Vương Đình Huệ lač: Bruă mkra êlan anei jing yuôm bhăn snăk, đru mđĭ kyar jih jang êlan klông truh hŏng krĭng čư̆ čhiăng nah yŭ čar Khánh Hòa mâo 2 kdriêk Khánh Sơn lehanăn Khánh Vĩnh. Mbĭt anăn mkŏ hŏng dŭm krĭng hlăm dŭm kdriêk čư̆ čhiăng dŭm boh čar Ninh Thuận, Lâm Đồng, pioh mđĭ kyar klei hdĭp mda ala ƀuôn, lehanăn đru hlăm bruă răng mgang klei êđăp ênang./.