Sa hlăm dŭm mta phŭn yuôm bhăn mâo Dhar bruă gĭt gai bruă kƀĭn ala brei boh blŭ ti aguah mbruê jing jao hră anăn  leh anăn hnơ̆ng ênoh prăk kơ bruă klam, hdră êlan dôk hlăm hdră krŭ wĭt leh anăn mđĭ kyar bruă duh mkra – ala ƀuôn gưl tal 2.

Hluê anăn, ênoh prăk adôk mơ̆ng knŭk kna ka mkăp brei, jao kơ dŭm phŭn bruă, anôk bruă gưl dlông leh anăn dŭm alŭ wăl jing 28 êbâo 862 êklai prăk. Bi hŏng 129 bruă klam, hdră mkăp hŏng eneoh prăk mĭn tĭng jing 14 êbâo 710 êklai prăk ênŭm leh hră mơar hluê si klei čuăn, mâo ênŭm klei găl jao kơ ênoh prăk mơ̆ng hdră čiăng kơ knŭk kna mkăp brei,Dhar bruă gĭt gai bruă kƀĭn ala mtă kơ knŭk kna ksiêm dlăng kjăp kơ mông bi leh dŭm hdră mkăp, mjêč jao ngăn prăk, mkăp brei kơ dŭm hdră klă klơ̆ng, bi hmar klei ngă bruă.