Hră čih hdră bhiăn lăn ala lŏ mlih mrâo dưi bi leh, mra mlih, hnơ̆ng dưi mđĭ mkă hŏng hră čih Hdră bhiăn hưn mdah hŏng Bruă kƀĭn ala hlăm Klei bi kƀĭn knăm pă mrâo êgao. Ară anei hră čih Hdră bhiăn lŏ mâo dŭm boh phŭn  adôk mâo klei bi mguôp mdê mdê, msĕ si: hdră êlan lăn ala kơ mnuih djuê ƀiă; klei dưi leh anăn bruă klam mơ̆ng êpul duh mkra, anôk bruă knŭk kna yua lăn mưn tla prăk grăp thŭn; klei găl ba lăn pla mdiê, klei čih mkra hdră kčah yua lăn; hdră kčah yua lăn gưl kdriêk…

Hrui mă lăn čiăng mđĭ kyar bruă duh mkra- ala ƀuôn kyua klei tŭ ala čar ăt jing boh phŭn adôk mâo lu klei blŭ mdê mdê. Ăt hlăm hruê anei, Dhar bruă kƀĭn ala brei klei blŭ mguôp kơ bruă hlak mblang, mkra mlih hră čih Hdră bhiăn sang dôk (mlih mrâo).