Klă klơ̆ng, hlăm aguah, Dhar bruă kƀĭn ala bi trông kơ hră čih Hdră mtrŭn mơ̆ng Bruă kƀĭn ala lông ngă klei bhiăn msir mgaih mnơ̆ng mâo, ngăn drăp hlăm klei ksiêmm dlăng, kčŭt hưn, msir mgaih klei mâo, klei soh; ksiêm dlăng bruă mnuih mă bruă; brei klei blŭ kơ bruă mprăp kơ Klei bi kƀĭn tal 8, Bruă kƀĭn ala gưl XV.

Tlam, Dhar bruă kƀĭn ala brei klei blŭ kơ hră čih Hdră bhiăn ênoh mrô leh anăn hdră mkăp hlăm wưng bi trông kơ dŭm boh phŭn mkăn. Khua bruă kƀĭn ala Trần Thanh Mẫn mñă Klei bi kƀĭn tal 8 mĭn tĭng hnơ̆ng bruă hưn mdah Bruă kƀĭn ala ksiêm dlăng, bi mklă lu hĭn mơ̆ng akŏ wưng gưl XV truh ară anei. Bruă kƀĭn ala srăng ksiêm dlăng 39 boh phŭn, hlăm anăn mâo  29 boh phŭn kơ bruă čih mkra hdră bhiăn, 10 êpul boh phŭn kơ bruă duh mkra- ala ƀuôn, prăk knŭk kna, ksiêm dlăng, mnuih mă bruă leh anăn bi mklă dŭm bruă yuôm bhăn mkăn hlăm klei dưi.