Dưi mkŏ mjing hnơ̆ng prŏng, hŏng giăm 1.000 čô bi lông, Klei bi lông anei knăm mtrŭt mjhar hdră mjuăt ktang asei mlei hluê ngă msĕ si gru hmô Awa Hồ, hâo hưn, mtô bi hriăm, mđĭ klei thâo săng kơ klei êđăp ênang hlăm êlan klông, mtô mjuăt knhuah gru bruă krŭ kdơ̆ng, hưn mdah wăl ala čar kriê pioh krĭng dlông 1015 (Kbuôn čư̆ Charlie) krĭng dlông 1049 (Kbuôn čư̆ Delta).

Wưng anei, Keh prăk hrăm mbĭt kyua klei êđăp ênang êlan klông mđup brei leh 25 hnư mnơ̆ng, grăp hnư mâo ênoh 2 êklăk prăk kơ dŭm gŏ sang mâo mnuih mâo klei truh hlăm êlan klông mâo klei hdĭp dleh dlan, mđup brei 200 đuôn mgang kŏ kơ Êpul răng mgang klei êđăp ênang čar Kon Tum.