Gưl anei, mâo 8 čô knuă druh dưi tiŏ nao, ruah mdưm, ktrâo brei ngă khua gĭt gai kmeh gơ̆ng mơ̆ng čar, hlăm anăn mâo 3 čô khua hlăm bruă Đảng čar. Êpul khua bruă Đảng čar Lâm Đồng bi klă tiŏ nao Đinh Văn Tuấn mdei ngă khua bruă Đảng kdriêk Di Linh čiăng ngă k’iăng khua bruă sang čư̆ êa čar Lâm Đồng wưng thŭn 2021 – 2026. Mbĭt anăn tiŏ nao Trần Hồng Quyết mdei ngă khuă kiă kriê knơ̆ng bruă kiă kriê bruă knuă, nao hgŭm hlăm êpul khua bruă Đảng kdriêk Di Linh, păn ngă khua bruă Đảng kdriêk DI Linh wưng thŭn 2020 – 2025.

Êpul khua bruă Đảng čar Lâm Đồng ăt tiŏ nao aduôn Phạm Thị Hồng Hải, khua knơ̆ng bruă sang hră mơar truh Êpul bruă hâo hưn leh anăn čung ba mnuih ƀuôn sang Bruă Đảng čar păn ngă k’iăng khua êpul. Tiŏ nao, ruah mdưm Vương Tôn Kiên păn ngă k’iăng khua adŭ bruă Đảng čar, Nguyễn Văn Hữu păn ngă k’iăng khua bruă Đảng kdriêk Đơn Dương…Blŭ hrăm hlăm klei kƀĭn trông, Nguyễn Thái Học, khua bruă Đảng čar jing êjai čar Lâm Đồng  mñă klă, bruă tiŏ nao, ruah mdưm gưl anei mâo mơ̆ng bruă klam dŭm alŭ wăl, knơ̆ng bruă, dhar bruă, ai dưi mơ̆ng knuă druh leh anăn tĭng kơ mnuih mă bruă bruă Đảng čar đru kơ klei kƀĭn kluôm bruă Đảng čar gưl tal 12, ngă hdră ruah djŏ pô, jao djŏ bruă.