Hdră mtrŭn mâo klei dưn yua mơ̆ng hruê 19/3. Blŭ hrăm jao bruă klam, Lương Nguyễn Minh Triết, Khua dlăng bruă Đảng čar Dak Lak bi mni kơ Đỗ Hữu Huy jing knuă druh mâo klei thâo boh sĭt, tuôm ngă lu bruă klam yuôm bhăn hlăm bruă duh mkra leh anăn kriê dlăng alŭ wăl. Bruă tiŏ nao, jao bruă tal anei kñăm ngă djŏ klei čiăng gĭt gai hlăm boh klei čar mđĭ kyar, gĭr mâo klei kñăm đĭ kyar dua ênoh mrô hŏng klei mĭn, hdră ngă mrâo leh anăn gĭr hĭn.

Mă bruă klam, Đỗ Hữu Huy bi êdah klei gĭr hŏng êpul gĭt gai mkŏ mjing êpul mă bruă bi hgŭm, ngă bruă jih ai tiê, mă boh tŭ duh kơ mnuih ƀuôn sang leh anăn anôk bruă duh mkra jing hnơ̆ng mkă. Ñu ăt bi mklă bruă klam phŭn hlăm wưng kơ anăp.