Khua knŭk kna mñă, bruă bi kdơ̆ng hŏng hdră mă IUU (klei mă kan hdang soh hdră bhiăn, amâo hưn mthâo lehanăn amâo hluê djŏ si klei kčah mtrŭn) amâo djŏ knŏng čiăng mkăp kơ hdră ba čhĭ kơ ala tač êngao ƀiădah yuôm hĭn jing mta kñăm phŭn rơ̆ng klei duh ƀơ̆ng kjăp kơ mnuih ƀuôn sang lehanăn bi klă kơhưm ala čar.

Čiăng hluê ngă mta kñăm anei, Khua knŭk kna Phạm Minh Chính brei thâo, Knŭk kna Việt Nam dôk pŏk ngă kjăp lu hdră msir msĕ si bi leh klei bhiăn, mđing klei blŭ mơ̆ng Dhar bruă Ơrôp EC čiăng ruh mtlaih klei dleh dlan. Mkŏ mjing hdră kriê dlăng lehanăn ksiêm dlăng, mđĭ hdră mlih mrô hlăm bruă kriê dlăng hô̆ mran, ba yua kdrăp ktuê dlăng VMS. Mbĭt anăn, hluê ngă djŏ hdră bhiăn, msir mghaih ktang, kčŭt hưn dŭm bruă ngă soh čhuak hlăm krĭng ksĭ ala tač êngao lehanăn klei tlĕ mă soh hdră bhiăn.