Anei jing boh tŭ mâo bi êdah ti anôk bi kƀĭn jao bruă mơ̆ng kahan răng mgang knông lăn, klei ngă bruă Đảng, bruă kđi čar hlăm 3 mlan akŏ thŭn 2026 mơ̆ng anôk bruă kiă kriê kahan răng mgang knông lăn čar Daklak. Hlăm 3 mlan akŏ thŭn 2026, bruă Đảng, anôk bruă kiă kriê kahan răng mgang knông lăn čar Daklak bi kjăp hlue ngă bi djŏ tui si asăp mtrŭn mơ̆ng gưl dlông lehanăn bruă čuăn lĭng kahan răng mgang klei êđăp ênang. Dŭm êpul êya hlue ngă jih jang bruă kiă kriê, răng mgang kjăp klei dưi êngiê knông lăn ala čar.

Wưng tinăp, kahan răng mgang knông lăn čar Daklak bi klă bruă lŏ dơ̆ng kiă kriê kjăp klei dưi êngiê knông lăn, mprăp nanao ai tiê kơ klei bi blah, mđĭ hĭn klei mjuăt bi hriăm, bi kdơ̆ng hŏng phung ngă soh, boh nik bi kdơ̆ng hŏng klei trah mă kan soh hŏng klei bhiăn, klei amâo mâo hâo hưn, lehanăn klei amâo mâo hlue ngă djŏ klei čoh čuăn (IUU).