Hlăm hdră mkra mlih klei ngă hră mơar čar Lâm Đồng bi mklă bruă phŭn jing bi hrŏ hruê mmông msir mghaih, mtrŭ hdră mlih mrô, mđĭ hnơ̆ng tŭ jăk bruă mkăp ngă hră mơar knŭk kna.

Boh nik, dŭm hră mơar djŏ tuôm kơ klei dưi mơ̆ng mnuih ƀuôn sang, anôk bruă duh mkra mâo mđing msir mghaih khuăt, pral. Mơ̆ng akŏ thŭn truh kơ ară anei, ênoh msir mghaih hră mơar djŏ lehanăn êlâo kơ wưng kčah ti Lâm Đồng êbeh 95% lehanăn êbeh 98% ti gưl să. Hdră bruă ngă hră mơar hluê kdrăp mrô giăm 90%, đru mtrŭt mđĭ bruă msir mghaih hră mơar ti kdrăp điện tử.