Gưl nao čhưn ti Russia tal anei mơ̆ng Khua knŭk kna Phạm Minh Chính  jing yuôm bhăn snăk kñăm mđĭ klei bi hgŭm dua ala čar, mbĭt anăn mđĭ lar hĭn klei bi hgŭm lu ala čar čiăng sa ai hŏng klei đĭ kyar mơ̆ng Việt Nam hlăm wưng kơ anăp.

 Boh phŭn gưl nao čhưn jing mđĭ klei bi hgŭm Việt Nam - Russia, boh nik kơ klei bi hgŭm kđi čar, pŏk mlar klei bi hgŭm plah wah Việt Nam - Russia hlăm dŭm bruă duh mkra, mnia blei, boh nik kơ klei duh bi liê, êa pui êwa čuh… Mkŏ mjing hlăm boh klei dlông rŏng lăn dôk găn klei rŭng răng kơ êa pui êwa čuh kjham snăk, gưl nao čhưn mơ̆ng Khua knŭk kna Phạm Minh Chính srăng pŏk lu hdră êlan bi hgŭm plah wah dua ala čar.  Dua tĭng mĭn tĭng siñe klei kuôl kă yuôm bhăn. Hlue anăn, Russia jing ƀĭng hgŭm phŭn rơ̆ng djăp êa pui êwa čuh kơ Việt Nam.