Bi ala phung khua gĭt gai Đảng, Knŭk kna mđup brei mêđai Hồ Chí Minh kơ Binh chủng Công binh, Khua gĭt gai Đảng Tô Lâm mñă klă, hƀuê eneuk mơ̆ng lĭng kahan công binh jing hƀuê ênŭk pŏk êlan kơ klei dưi, jing hƀuê ênuk mơ̆ng klei mĭn kjăp, klei jhŏng, hdră bhiăn ktang leh anăn ai tiê kdơ̆ng mblah amâo mâo kdŭn, mbĭt anăn hơêč hmưi dŭm klei tŭ dưi, boh tŭ êdah êdu mơ̆ng Binh chủng Công binh.

Hlăm wưng kơ anăp, čiăng bi leh jăk bruă klam “Dưr hŏng grăp phung roh”, Khua gĭt gai Đảng Tô Lâm mñă klă, Binh chủng Công binh kñăm ngă jăk 5 bruă klam phŭn, hlăm anăn srăng lŏ dơ̆ng hyuă kjăp klei mĭn, hdră êlan lĭng kahan mơ̆ng Đảng, krơ̆ng kjăp klei mĭn mrâo kơ bruă lĭng kahan, răng mgang lăn čar, hyuă kjăp hdră mtrŭn gưl dlông 8 gưl 13, hdră mtrŭn klei kƀĭn kluôm tal 14 mơ̆ng Đảng, hdră mtrŭn klei kƀĭn bruă Đảng lĭng kahan gưl tal 12 leh anăn dŭm hdră êlan mơ̆ng knơ̆ng kahan gưl dlông, Phŭn bruă lĭng kahan.