Bi ala kơ Đảng, lehanăn knŭk kna khua knơ̆ng gĭt gai bruă Mặt trận gưl dlông Việt Nam Đỗ Văn Chiến mâo leh klei hơêč hmưi kơ knăm mơak Noel truh hŏng phung khua kiă kriê klei đăo Khop Kontum Nguyễn Hùng Vĩ, phung per, phung sơr, lehanăn jih jang phung đăo mâo drông sa knăm Noel jăk mơak, mâo ba wĭt lu klei tŭ dưn, lehanăn klei jăk jĭn mơ̆ng Aê Diê. Blŭ hrăm hŏng khua kiă kriê klei đăo Khop Kontum Nguyễn Hùng Vị, pô bi ala kơ phung khua kiă kriê klei đăo, lehanăn phung đăo.

Đỗ Văn Chiến mñă kơ jih jang boh tŭ dưn leh mâo hlăm bruă duh mkra ala ƀuôn, kơ klei hdĭp êđăp ênang leh mâo, ƀiădah thŭn 2023, nao mđrĭng hŏng klei jing mơ̆ng tar rŏng lăn, snăn lăn čar drei dôk tuôm hŏng lu klei dleh dlan mơh, čiăng snăk kơ jih jang phung đăo mâo klei bi sa ai hŏng kluôm Đảng, jih jang lĭng kahan lehanăn jih jang phung ƀuôn sang./.