Êpul bi lông anei mâo 10 čar (Dak Lak, Dak Nông, Lâm Đồng, Gia Lai, Kon Tum, Phú Yên, Khánh Hoà, Bình Định, Quảng Nam, Quảng Ngãi). Hlăm thŭn 2022, klei đĭ kyar bruă duh mkra mơ̆ng dŭm čar hlăm alŭ wăl lu sơăi mkă hŏng thŭn 2021, êdah hĭn jing čar Khánh Hoà đĭ êbeh 22%, Lâm Đồng đĭ êbeh 12%, Quảng Nam đĭ êbeh 11%... hnư knŭk kna hrui wĭt kah knar ti dŭm čar dưi mâo leh anăn êgao hdră kčah.

Blŭ hlăm klei kƀĭn, Thượng tướng Trần Quốc Tỏ, k’iăng khua Phŭn bruă kahan ksiêm, klam bruă êpul bi lông dŭm čar krĭng Lăn Dăp Kngư leh anăn Krĭng Dap kwar krah mñă klă, dŭm čar čiăng uêñ mĭn lu hĭn kơ klei mkŏ krĭng čiăng mkŏ mjing klei hrăm mbĭt, sa ai hlăm klei đĭ kyar bruă duh mkra dŭm alŭ wăl. Čiăng hur har mlih mrâo kơ mta phŭn bruă ngă mơ̆ng êpul kñăm rơ̆ng boh tŭ klă hĭn, čiăng mđĭ hĭn klei bi mguôp, bi đru, mđĭ hĭn klei kah mbha klei hriăm kơ klei mđĭ kyar bruă duh mkra plah wah dŭm čar hlăm êpul.