Gưl mkŏ dăp anei, Phú Yên mâo 971 čô knuă druh hriê ti Dak Lak, hlăm anăn mâo 876 čô khua kiă kriê gưl adŭ bruă lehanăn phung thơ̆ng kơ bruă; 95 čô knuă druh păn ngă Kơiăng khua knơ̆ng bruă kơ dlông, dưi mkŏ dăp anôk dôk djŏ si klei kčah mtrŭn. Leh knăm mkŏ mjing čar mrâo hlăm hruê 30/6, dŭm anôk bruă, êpul êya hlăm čar srăng klă klơ̆ng ngă bruă.

Khădah dôk tuôm hŏng klei dleh dlan kơ anôk dôk, klei găl hdĭp lehanăn hriăm hră kơ anak čô, ƀiădah hŏng ai tiê đua klam lehanăn klei sa ai, phung knuă druh mơ̆ng Phú Yên hriê ti Dak Lak bi êdah leh klei gĭr ñŭ kma pral, hgŭm kngan, ai tiê, klei thâo kyua hdră đĭ kyar kjăp mơ̆ng čar mrâo hlăm wưng mphŭn čô̆ ară anei.

Dŭm êtuh čô phung knuă druh mnuih mă bruă čar Gia Lai nao mă bruă kơ anôk mă bruă mrâo ti ƀuôn prŏng Quy Nhơn, čar Bình Định, kčưm hlăm klei mă bruă, hlue ngă bruă mđĭ kyar čar Gia Lai. Mơ̆ng krah mlan 6, Anôk kiă kriê bruă Đảng čar Gia Lai lehanăn Bình Định mâo leh hră mơar bi tŭ ư: Hlăm gưl 1, mjing klei găl čiăng kơ 50% hlăm ênoh jih jang 1.800 čô knuă druh, mnuih mă bruă mơ̆ng dŭm knơ̆ng dhar bruă wĭt mă bruă kơư anôk mă bruă mrâo. Ênoh knuă druh mnuih mă bruă adôk srăng mă bruă ti anôk mă bruă mrô 2 ti ƀuôn prŏng Pleiku kñăm dôk mă bruă amâo mâo mdei ôh hlăm êpul mă bruă mơ̆ng čar Gia Lai (hđăp) hlŏng truh kơ jih thŭn 2025. Êdei kơ thŭn 2025, dŭm knơ̆ng dhar bruă srăng čŏng mâo hdră bi mlih anôk mă bruă bi djŏ guôp, tui hlue hŏng bruă knuă ti Quy Nhơn. 

Kluôm Anôk dlăng bruă Đảng čar Kon Tum gưl XVI, nao leh ti čar Quảng Ngãi čiăng aguah hruê 30/6 nao ti knăm hưn mthâo anôk bruă knŭk kna mrâo. Hŏng 40 ƀuôn hgŭm mrâo mơ̆ng čar Kon Tum hđăp kbưi hŏng Anôk bruă knŭk kna čar mrâo Quảng Ngãi hlăm brô 200km, phung khua 2 čar Kon Tum lehanăn Quảng Ngãi mkŏ mjing leh 10 anôk mkŏ ti 10 kdriêk, ƀuôn prŏng mơ̆ng čar Kon Tum hđăp čiăng phung knuă druh 40 să, ƀuôn hgŭm hđăp dưi dlăng hdră anei hluê hdră online./.