Dak Lak mđĭ boh tŭ hdră ngă bruă mơ̆ng Êpul gơ̆ng bruă ƀuôn sang gưl ƀuôn hgŭm hlăm gru hmô bruă knŭk kna dua gưl
Thứ sáu, 09:53, 15/08/2025
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Anôk kriê dlăng Êpul gơ̆ng bruă ƀuôn sang čar DakLak dôk pŏk 9 êpul nao mă bruă hŏng anôk kriê dlăng êpul hgŭm bruă ƀuôn sang 102 ƀuôn hgŭm kñăm tĭng dlăng boh tŭ mă bruă hlăk dôk ba yua gru hmô bruă knŭk kna alŭ wăl dua gưl leh bi mŭt mbĭt.
Čih yap lehanăn bi mklă dŭm klei dleh dlan hŏng alŭ wăl, Anôk kriê dlăng Êpul gơ̆ng bruă ƀuôn sang čar Dak Lak mtă kơ phung bi ala êpul gơ̆ng mđĭ lar klei đua klam, hluê ngă kjăp klei gĭt gai mơ̆ng Đảng, Knŭk kna lehanăn anôk bruă kƀĭn ala, mđĭ boh tŭ hdră mă bruă.
Cao Thị Hòa An, Khua êpul gơ̆ng bruă ƀuôn sang čar Dak Lak brei thâo, mơ̆ng ară anei truh kơ hruê ruah anôk bruă kƀĭn ala lehanăn êpul gơ̆ng bruă ƀuôn sang dŭm gưl thŭn 2026, bruă mă ti anăp srăng lu kyua anăn brei mđĭ hdră ksiêm dlăng, bi leh klei bhiăn, mđing kơ dŭm bruă mnuih ƀuôn sang mđing, hmao ƀuh dŭm klei gun kpăk mbĭt anăn ba mdah hdră msir mghaih./.
Viết bình luận