Êpul ksiêm dlăng mrô 25 mơ̆ng phŭn bruă kđi čar, Êpul khua kiă kriê bruă Đảng gưl dlông mâo khua anôk bruă anei Trần Sỹ Thanh ngă khua êpul nao ksiêm dlăng leh anôk bruă kiă kriê bruă Đảng čar Khánh Hòa kơ bruă hlue ngă dŭm hdră mtrŭn, asăp mtrŭn mơ̆ng gưl dlông. Bruă ksiêm dlăng mđing hlăm dŭm bruă ksiêm duah, hriăm mjuăt hlue ngă dŭm hdră mtrŭn klei bi kƀĭn prŏng Đảng 14; mkra hdră mă bruă hlăm čar, lehanăn ksiêm dlăng bruă prăp êmiêt klei ruah khua phung bi ala bruă kƀĭn ala gưl 16, lehanăn êpul gơ̆ng bruă ƀuôn sang dŭm gưl wưng păn bruă 2026–2031.

Blŭ hrăm ti anôk mă bruă, Khua anôk bruă ksiêm dlăng gưl dlông Trần Sỹ Thanh mñă klei hlue ngă hdră mtrŭn mơ̆ng klei bi kƀĭn prŏng Đảng čar Khánh Hòa brei nao mđrĭng hŏng hdră mtrŭn klei bi kƀĭn prŏng Đảng 14, rơ̆ng bi sa hnơ̆ng jih jang bruă knuă. Čar čŏng mjing djăp klei găl hlăm klei mă bruă, mkŏ mjing dŭm gru bi hmô, hdră mă bruă tŭ jing, lehanăn dưi pŏl mlar./.

Êpul ksiêm dlăng mrô 21 mơ̆ng Phŭn bruă kđi čar, Anôk dlăng bruă Đảng mâo Khua hlăm Phŭn bruă kđi čar, Khua phŭn bruă hŏng tač êngao Lê Hoài Trung ngă Khua êpul mrâo hưn mthâo klei bi mklă ksiêm dlăng thŭn 2026 hŏng Anôk dlăng bruă Đảng čar Gia Lai. Mta phŭn ksiêm dlăng mđing kơ bruă pŏk ngă dŭm hdră mtrŭn mơ̆ng Gưl dlông, boh nik bruă hluê ngă Hdră mtrŭn XIV mơ̆ng Đảng lehanăn hdră mprăp kơ klei ruah phung bi ala bruă kƀĭn ala gưl XVI, Êpul gơ̆ng bruă ƀuôn sang dŭm gưl wưng thŭn 2026–2031.

Blŭ ti knăm anei, Khua phŭn bruă hŏng tač êngao Lê Hoài Trung mñă, ksiêm dlăng kñăm rơ̆ng dŭm hdră mtrŭn mơ̆ng Gưl dlông dưi pŏk ngă kjăp, djŏ hdră. Hlăk dŭm gưl bruă Đảng dôk mđing hluê ngă bruă klam mđĭ kyar hdră duh mkra – ala ƀuôn lehanăn mprăp kơ klei ruah khua, bruă anei jing bruă mjêč ară anei.