Khánh Hòa bi leh hnư, hdră ruah khua ti Lữ đoàn Đặc công kahan Êa mrô 5
Thứ sáu, 10:19, 06/03/2026
H'Nêč Êñuôl /VOV Tây Nguyên
H'Nêč Êñuôl /VOV Tây Nguyên
VOV.Êđê- Hruê 5/3, ti Lữ đoàn Đặc công kahan êa mrô 5 (ƀuôn hgŭm Đông Hải, čar Khánh Hòa), krĭng mplĕ hră mrô 4 mkŏ mjing klei ruah khua hnưm phung bi ala bruă kƀĭn ala gưl XVI lehanăn Êpul gơ̆ng bruă ƀuôn sang dŭm gưl 2026–2031, hŏng phung bi ala jing knuă druh, lĭng kahan hlăm Binh chủng Đặc công, mprăp ngă bruă klam ti dŭm krĭng ksĭ, plao ksĭ.
Krĭng mplĕ hră mâo mprăp ênŭm, rơ̆ng djŏ hdră mtrŭn. Leh knăm mphŭn pŏk, Êpul mplĕ hră hưn mthâo klei bhiăn mplĕ hră, ktrâo lač kơ klei bhiăn ruah khua.
Mnuih ƀuôn sang nao bi mklă, tŭ mă hră lehanăn mplĕ hră djŏ hdră mtrŭn. Bruă mkŏ mjing hdră ruah khua hnưm đru kơ knuă druh, lĭng kahan hluê ngă ênŭm bruă klam mơ̆ng mnuih ƀuôn sang êlâo kơ nao ngă bruă klam. Hdră ruah khua dưi mkŏ mjing êđăp ênang, djŏ hdră bhiăn./.
Viết bình luận