Hŏng klei gĭr ngă leh êlâo kơ hdră kčah, mŏng hruê 4/5 truh kơ hruê 19/9/2023, Anôk bruă pui kmlă Êa Hleo mkŏ mjing leh êpul mă bruă, kah mbha bruă klam, hluê ngă dŭm bruă, msĕ si: Mlih huôm công tơ, Aptomat, mkŏ dăp mrâo, bi khuăt klei pui, bi mdoh rŏk rung …

Khădah yan adiê dleh dưi ksiêm dlăng, hjan prŏng hmăi truh kơ hdră mă bruă, alŭ wăl taih kbưi, êlan klông găn êrô dleh dlan ƀiădah êpul êya gĭr msir mghaih jih klei dleh dlan, ngă jăk bruă bi kjăp êlan klei pui kmlă mbĭt anăn pral msir mghaih dŭm anôk mâo klei truh hlăm êlan pui kmlă kyua yan adiê ngă msĕ si joh gơ̆ng pui, klưh lăn… Dŭm hdră anei dưi bi leh hnưm đru bi msiam krĭng wăl, rơ̆ng kjăp klei êđăp ênang êlan pui kmlă, bi hrŏ klei luič pui kmlă, krơ̆ng kjăp bruă mkăp pui kmlă nanao, êđăp ênang kơ giăm 38 êbâo čô ba yua pui ti alŭ wăl./.