Hlăm hrue mâo nao sang hră mơar, lu alŭ wăl msĕ si Sơn La, Yên Bái, Lai Châu... mâo hjan; ƀiădah amâo mâo hmăi prŏng ôh hŏng klei phung hđeh nao sang hră. Hjăn ti čar Sơn La, ti aguah hlăm lu anôk mâo hjan prŏng, klei êrô êbat lĕ hlăm klei dleh dlan mơh, ƀiădah dŭm anôk bruă djŏ tuôm mjing leh djăp klei dưi đru kơ phung hđeh mơak hlak hrue tal êlâo nao sang hră.

Êlâo truh kơ knăm pŏk thŭn hriăm mrâo hrue 5/9, phung hđeh hriăm hră ti dŭ mboh sang hră ti Yŭ Dưr srăng mâo sa hrue kăm hriăm mjuăt kơ knhuah bhiăn hriăm hră mơar, phung nai jing pô phŭn ktrâo atăt kơ phung hđeh kơ jih jang klei bhiăn nao sang hră mơar, leh sa wưng mdei prŏng, mprăp kơ sa thŭn hriăm hŏng lu klei tŭ dưn mgĭ dih./.