Êbeh 100 knưng mnơ̆ng mơ̆ng 39 êpul êya, phung duh mkra alŭ wăl hlăm čar Sơn La lehanăn dŭm čar: Hưng Yên, Ninh Bình, Yên Bái, Hà Nội, Đăk Lăk, Gia Lai... hŏng lu mta mnơ̆ng jing kphê, boh mbga bruă pla mjing, mnơ̆ng hing ang mơ̆ng mdê bi krĭng ba truh ti anôk rang mdah anei hŏng akŏ: “Kphê Sơn La – ñŭ kma lehanăn đĭ kyar”.

Hŏng lu mta klei jăk jĭn mơ̆ng mnăm mơak, mnuih pla mjing kphê, mnuih mnăm kphê bi tuôm, bi yăl dliê lehanăn mâo dŭm klei bi lông msĕ si: bi msiam jhưng mnăm kphê, bi msiam kčok mnăm kphê, kar kphê hŏng dŭm kdrăp đưm, lehanăn kač rup hŏng djah kphê... mnuih ƀuôn sang, phung tue lông nao mnăm kphê amâo mâo liê prăk ôh, lehanăn nao hlăm klei bi čhưn hrăm yăl dliê kơ kphê krĭng čư̆ dliê Sơn La, Yŭ Dưr. Knăm mơak kphê Sơn La hŏng lu bruă ngă mâo leh dŭm klei jăk siam hlăm ai tiê phung tue jĕ giăm taih kbưi, jing leh bruă ngă yuôm bhăn kruak knăl giăm 80 thŭn kphê Sơn La jing leh mnơ̆ng pla mâo anăn hing hang kơ tar rŏng lăn, mâo leh lu ala čar tui duah, lehanăn krĭng lăn bi pla mjing./.