Hŏng mta kñăm “hlei djŏ iêo nao mŭt kahan bi kjăp pô anăn”, thŭn 2023, čar Lâm Đồng ksiêm dlăng hrŏng ruah mâo êbeh 1.370 čô hlăk ai nao mŭt kahan, hlăm năn mâo truh 22 čô jing đảng viên lehanăn 528 čô jing mnuih djuê ƀiă.

Phung kahan mrâo nao ngă bruă čuăn anei ti: Sang hră ksiêm hriăm kơ kahan jơ̆ng, Lữ đoàn kahan bi blah hŏng elektronik 98 (Hlăm knơ̆ng bruă kčĕ đru bruă lĭng kahan) Lữ đoàn kahan ngă bruă 293 (hlăm knơ̆ng bruă kahan ngă bruă) lehanăn dŭm sư đoàn, lữ đoàn, dôk hlăm kahan alŭ wăl 7 kiă kriê. Knăm jao kahan anei mâo mkŏ mjing hŏng klei mơak lehanăn klei mpŭ./.