Klei hưn mdah mơ̆ng êpul ktuê dlăng brei ƀuh, ênoh prăk iêô mkrum pioh kơ bruă gang mkhư̆ Covid-19 jing êbeh 236 êbâo êklai prăk. Hlăm anăn prăk knŭk kna êbeh 189 êbâo êklai prăk, mkrum mơ̆ng dŭm ênoh đru dŏng, đru êbeh 47 êbâo êklai prăk. Mâo dŭm êklăk čô đru bruă, boh nik phung knuă druh mdrao mgŭn, êpul lĭng kahan hgŭm mdrơ̆ng hŏng klei ruă tưp.

Dŭm gưl mnuih ƀuôn sang, êpul êya duh mkra, dŭm êpul bruă  lu ala čar đru mguôp ai tiê, prăk mah, mnơ̆ng dhơ̆ng. Khua bruă kƀĭn ala Vương Đình Huệ mtă kơ êpul ktuê dlăng hưn bi klă hdră tĭng tla dŭm ênoh hlăm ala čar leh anăn ala tač êngao, bi klă dŭm adôk ka dưi tĭng tla, dŭm ênoh ka dưi tla, mâo ya klei luč liê, klei soh? Hnơ̆ng vaccin êbeh, êgao wưng yua./.