Hưn mdah hŏng Êpul bi ala Bruă Kƀĭn Ala čar Kon Tum, phung bi ala ƀuôn prŏng Kon Tum čiăng mâo klei mgaih msir jih hnơ̆ng klei kpăk gun kơ lăn yua, msĕ si mâo hŏng anei 25 thŭn mnuih ƀuôn sang čŏng blei 46 čuê lăn ti să Vinh Quang mơ̆ng bruă sang čư̆ êa mkăp brei.

Wĭt lač klei êmuh phung bi ala, Dương Anh Hùng, k’iăng khua bruă sang čư̆ êa ƀuôn prŏng Kon Tum brei thâo, boh klei bruă sang čư̆ êa să Vinh Quang mkăp 46 čuê lăn ti km7 – êlan dơ̆ng mrô 14 kơ dŭm gŏ sang leh anăn hrui prăk, Êpul ksiêm duah čar Kon Tum dưi bi klă jing soh hŏng klei dưi. Phạm Đình Thanh, k’iăng khua êpul bi ala Bruă Kƀĭn Ala čar Kon Tum čih yap klei hưn anei leh anăn mâo hră mơĭt kơ bruă sang čư̆ êa čar Kon Tum čiăng ksiêm dlăng, mgaih msir.