Hlăm mmông mă bruă, bi ala dŭm knơ̆ng, dhar bruă čar Dak Lak lač kơ lu klei dleh dlan leh anăn mtă kơ gưl dlông ksiêm dlăng, mtlaih klei dleh dlan kơ klei mđĭ kyar bruă duh mkra, ala ƀuôn mơ̆ng alŭ wăl hlăm wưng kơ anăp. Lač kơ klei gun kpăk hlăm klei mđĭ kyar bruă hiu čhưn ênguê ti alŭ wăl, Lại Đức Đại, K’iăng Khua Knơ̆ng bruă dhar kreh - Mjuăt ktang asei mlei leh anăn hiu čhưn ênguê čar Dak Lak lač, dŭm čar Lăn Dap Kngư, hlăm anăn Dak Lak mâo lu klei găl čiăng mđĭ kyar hiu čhưn ênguê êpul êya, hiu čhưn ênguê lŏ hma- krĭng ƀuôn sang.

Khădah snăn, ară anei ka mâo ôh hdră kčah klă mngač kơ klei bi mlih lăn lŏ hma jing lăn ngă bruă mnia blei kyua anăn dŭm anôk bruă duh mkra amâo jhŏng bi liê ktang ôh kơ bruă anei. Hlăm mmông mă bruă, phung bi ala ăt akâo kơ lu boh phŭn djŏ tuôm kơ bruă: lŏ hma, mnơ̆ng hlăm gŭ lăn, hră ênua, čih mkra hdră bhiăn, pui kmlă… Êpul bi ala bruă kƀĭn ala čar Dak Lak čih pioh klei blŭ mơ̆ng phung bi ala, mbha boh phŭn čiăng hưn hŏng Bruă kƀĭn ala leh anăn dŭm Phŭn, dhar  bruă ksiêm dlăng.