Hlăm hdră nao čhưn, Nguyễn Huy Tiến leh anăn êpul ngă bruă nao kkuh bi tuôm Chen Wenqing, khua dhar bruă hdră bhiăn gưl dlông Đảng Cộng sản China, blŭ hrăm hŏng Ying Yong, khua kiă kriê anôk bruă phat mkra gưl dlông Đảng Cộng sản China, bi tuôm hŏng Zhang Jun, khua sang phat mkra gưl dlông China.

Blŭ hrăm hlăm mmông mă bruă hŏng Ying Yong, khua kiă kriê anôk bruă phat mkra gưl dlông Đảng Cộng sản China, Nguyễn Huy Tiến bi êdah klei hmăng hmưi gưl nao čuă tal anei jing gru kruăk yuôm bhăn, bi êdah klei đĭ kyar hơĭt kjăp hlăm klei mjĕ giăm leh anăn bi hgŭm mguôp bi kdơ̆ng hŏng phung ngă soh plah wah Anôk bruă phat mkra gưl dlông dua ala čar.