Hdră mtrŭn mrô 59 mơ̆ng Phŭn bruă kđi čar jing tur knơ̆ng yuôm bhăn čiăng kơ Bruă kƀĭn ala, Knŭk kna leh anăn dŭm phŭn dhar bruă djŏ tuôm mkŏ mjing leh anăn ba mdah hdră êlan kñăm ba yua leh anăn bi lar jih hnơ̆ng klei găl mơ̆ng ƀuôn prŏng čiăng truh ti thŭn 2030 Cần Thơ jing ƀuôn prŏng wăl hdĭp, mrâo mrang bŏ hŏng knhuah dhar kreh krĭng dap mnai krông Cửu Long.

Mta kñăm, bruă klam mơ̆ng êpul ksiêm dlăng  jing bi klă dŭm boh tŭ dưn hluê ngă dŭm mta kñăm, bruiă klam, hdră êlan, ktrâo klă dŭm klei dleh kpăk, êdu kƀah leh anăn phŭn agha leh êbeh 2 thŭn hluê ngă hdră mtrŭn. Hluê si Phạm Văn Hiểu, k’iăng khua bruă Đảng ƀuôn prŏng Cần Thơ, anei jing wưng alŭ wăl ksiêm wĭt, lŏ bi klă hlăm wưng êgao, dŭm klei dưi ngă leh anăn ka dưi ngă, đru kơ alŭ wăl bi lar dŭm klei dưi ngă, mgaih msir dŭm klei êdu kƀah, dleh dlan, mtrŭt mđĭ klei đĭ kyar ƀuôn prŏng.