Êpul đru dŏng mơ̆ng Việt Nam jao 30 ton mnơ̆ng đru kơ Myanmar êlâo kơ wĭt ti ala čar
Thứ tư, 14:13, 09/04/2025
Pô mblang H'Nêč Êñuôl / VOV Tây Nguyên
Pô mblang H'Nêč Êñuôl / VOV Tây Nguyên
VOV4.Êđê- Tlam 8/4, êlâo kơ wĭt ti ala čar, Êpul đru dŏng mơ̆ng Phŭn bruă kahan ksiêm Việt Nam jao leh 30 ton kdrăp mnơ̆ng mdrao mgŭn, mnơ̆ng yua aguah tlam đru kơ ala čar Myanmar msir mghaih klei truh mơ̆ng klei mgei lăn ngă.
Hlăm 10 hruê mă bruă klam ti Myanmar, Êpul dŏng mtlaih leh 7 čô kpăk đuôm hlăm kăm dlưh rai. Mbĭt anăn, bi hgŭm hŏng êpul đru dŏng ala tač êngao dŏng mtlaih 7 čô mkăn.
Êpul mkă dlăng, mdrao, mbha êa drao kơ êbeh 50 čô êka; mdơ̆ng 2 boh sang čhiăm dôk êjai kơ mnuih luič pưk sang, krih êa drao mdjiê kman ti lu krĭng mnuih ƀuôn sang dôk. Mbĭt anăn, êpul ăt mkŏ mjing tŭ dưn lu hdră đru čung ba mnuih ƀuôn sang, đru prăk kăk kơ 6 gŏ sang mâo mnuih djiê./.
Viết bình luận