Khua phŭn bruă ngăn prăk Hồ Đức Phớc, k’iăng khua kiă kriê êpul gĭt gai mrô 389 ala čar gĭt gai klei kƀĭn. Hlăm klei kƀĭn, bi êdah klei hưn mơ̆ng êpul gĭt gai mrô 389 ala čar, khua adŭ bruă êpul gĭt gai mrô 389 ala čar Lê Thanh Hải lač klă, thŭn 2022, êpul êya djŏ tuôm hlăm kluôm ala dưi hmao ƀuh, mă kơ̆ng, mgaih msir giăm 140 êbâo klei ngă soh, đĭ 1,17% mkă hŏng wưng anei thŭn dih.

Kñăm hluê ngă tŭ dưn bruă gang mkhư̆ klei čhĭ mnia tlĕ, klei mplư loar hlăm bruă mnia mblei leh anăn mnơ̆ng mgưt thŭn 2023, Êpul gĭt gai mrô 389 ala čar mtă kơ Êpul gĭt gai mrô 389 dŭm phŭn, dhar bruă, čar, ƀuôn prŏng gưl dlông čŏng thâo klă, đăo knăl boh sĭt, bi klă êlan, alŭ wăl, phung ngă soh, mnơ̆ng dhơ̆ng, bruă ngă bluh mâo, thâo kral hdră ngă soh, mnêč ngă soh, mâo dŭm hdră êlan djŏ guôp kñăm bi kdơ̆ng gang mkhư̆ tŭ dưn hŏng klei čhĭ mnia tlĕ, mplư loar hlăm klei mnia mblei leh anăn mnơ̆ng mgưt hlăm dŭm mta bruă, alŭ wăl pô klam bruă, kriê dlăng.