Hlăm klei bi kƀĭn, Êpul gơ̆ng bruă ƀuôn sang čar  bi mklă lu boh phŭn hlăm klei dưi, mâo: hdră êlan mkŏ dăp anôk bruă ngă hră mơar gưl čar leh anăn gưl să; brei Phạm Ngọc Nghị mdei ngă Khua Knơ̆ng bruă sang čư̆ êa čar. Êngao anăn, Êpul gơ̆ng bruă ƀuôn sang ăt bi trông kơ dŭm hdră mtrŭn kơ prăk knŭk kna, bi liê knŭk kna, bi mlih klei kñăm yua dliê čiăng duh kơ hdră bruă tal 2 mơ̆ng êlan dơ̆ng êran pral Khánh Hòa - Ƀuôn Ama Thuôt, leh anăn dŭm hdră êlan đru lăm lui sang tĭ, ƀrôč hlue si klei gĭt gai mơ̆ng Khua knŭk kna.

Huỳnh Thị Chiến Hòa – Khua Êpul gơ̆ng bruă ƀuôn sang čar mñă klă, klei bi kƀĭn mâo lu boh phŭn mjêč, hmăi prŏng kơ êpul mă bruă knŭk kna leh anăn klei mĭn phung knuă druh, mnuih ƀuôn sang. Ñu mtă kơ phung bi ala mđĭ lar ai tiê êngiê, đua klam čiăng bi mklă tŭ dưn, djŏ klei čiăng phung bi ala kơ mnuih ƀuôn sang.