Ti anôk bi kƀĭn, Êpul gơ̆ng bruă ƀuôn sang čar Dak Lak srăng ksiêm dlăng, bi trông lehanăn ba mdah dŭm bruă djŏ tuôm kơ bruă knuă druh hlăm Anôk bruă sang čư̆ êa čar tal X, wưng thŭn 2021 - 2026 lehanăn mkŏ mjing klei mplĕ hră bi mklă klei đăo knang hŏng pô păn bruă mâo Êpul gơ̆ng bruă ƀuôn sang čar Dak Lak gưl X, wưng thŭn 2021 - 2026 ruah hluê si klei kčah mtrŭn mơ̆ng Hdră mtrŭn 96/2023 mơ̆ng Anôk bruă kƀĭn ala lehanăn dŭm bruă yuôm bhăn mkăn.

Blŭ ti knăm anei, Huỳnh Thị Chiến Hoà, Khua Êpul gơ̆ng bruă ƀuôn sang čar Dak Lak mñă, Klei bi kƀĭn tal anei srăng ksiêm dlăng, bi mklă lu bruă yuôm bhăn, hlăm anăn mâo bruă mplĕ hră bi mklă klei đăo knang hŏng mnuih mă bruă mâo Êpul gơ̆ng bruă ƀuôn sang ruah kñăm hluê ngă Klei kčah mtrŭn mrô 96 lehanăn ksiêm dlăng, kčah mtrŭn dŭm bruă yuôm djŏ hŏng klei dưi lehanăn hrăm mbĭt hŏng Anôk bruă sang čư̆ êa čar msir mghaih dŭm bruă mkăn,djŏ hŏng hdră bruă knuă druh lehanăn bruă klam mđĭ kyar hdră duh mkra – ala ƀuôn ti alŭ wăl čar./.