Leh ksiêm dlăng jih jang klei trông čhai , Êpul gơ̆ng bruă ƀuôn sang čar Daklak mâo bi mklă leh dua hdră mtrŭn mâo: hdră mtrŭn  “Čoh čuăn kơ ênoh ênil bruă mkă dlăng lehanăn mdrao mgŭn hlăm dŭm boh sang êa drao knŭk kna hlăm čar Daklak” lehanăn hdră mtrŭn “Čoh čuăn ênoh tĭng tla kơ dŭm bruă hlue ngă hdră êlan kơ bruă yang ƀuôn hŏng phung dưi dưn bruă đru ba mơ̆ng yang ƀuôn”.

Huỳnh Thị Chiến Hoà, Khua êpul gơ̆ng bruă ƀuôn sang čar Daklak lač: Jih dua hdră mtrŭn anei mâo bi mklă hŏng klei sa ai prŏng, bi êdah klei gĭr prŏng mơ̆ng čar hlăm bruă dlăng kriê klei suaih pral mnuih ƀuôn sang. Êpul gơ̆ng bruă ƀuôn sang čar mtă kơ knơ̆ng bruă sang čư̆ êa čar gĭt gai mtam dŭm knơ̆ng dhar bruă êpul êya, lehanăn alŭ wăl pral hlue ngă hdră êlan anei bi tŭ dưn hdră mtrŭn mâo bi mklă leh ti anôk bi kƀĭn./.