
Klei bi kƀĭn anei mâo bi mklă leh lu hdră mtrŭn kơ klei bi mŭt 2 boh čar Bình Thuận, Dak Nông jing čar Lâm Đồng mrâo. Klei bi kƀĭn bi mklă mâo 6 hdră mtrŭn yuôm bhăn, hlăm anăn mâo 3 hdră mtrŭn djŏ tuôm hŏng hdră duh bi liê kluôm, 1 hdră mtrŭn mdei klei duh bi liê, 1 hdră mtrŭn djŏ tuôm kơ klei mkă tĭng ngăn prăk, lehanăn 1 hdră mtrŭn kơ klei lŏ thiăm mbŏ ênoh kuôl kă klei mă bruă hlăm phung thâo jing truăn kơ bruă sang hră mơar.

Blŭ klah čŭn klei bi kƀĭn, Khua êpul gơ̆ng bruă ƀuôn sang čar Lâm Đồng Phạm Thị Phúc lač, jih jang bruă dưi ksiêm dlăng, bi mklă ti anôk bi kƀĭn mâo klei yuôm bhăn sĭt, djŏ klei bhiăn, mjing atur knơ̆ng kơ klei lŏ dơ̆ng mă bruă leh klei bi mŭt čar, klei dăp êpul êya mă bruă hlăm gưl ƀuôn hgŭm, hlue hdră êlan bruă sang čư̆ êa 2 gưl./.
Viết bình luận