Mbĭt hŏng klei hưn mơ̆ng čar Gia Lai, klei kƀĭn dưi mâo mă thiăm 11 klei blŭ mguôp mdê mơ̆ng phung bi ala čar Kon Tum, Dak Lak, Dak Nông, Lâm Đồng leh anăn đa đa phung kreh knhâo, phung bi ala bruă kƀĭn ala kơ dŭm boh klei djŏ tuôm hŏng hdră êlan lăn dôk, lăn pla mjing, lăn dliê, bruă ba yua lăn 5% mơ̆ng êpul êya yang ƀuôn, mkŏ mjing hdră duh ƀơ̆ng ti gŭ êyu dliê…čiăng mâo klei ksiêm dlăng, mkra mlih.

Bi klă hlăm klei kƀĭn, Quàng Văn Hương – k’iăng khua kiă kriê Êpul gơ̆ng bruă djuê ana mơ̆ng bruă kƀĭn ala brei thâo: Êpul gơ̆ng anei ruah mă leh dŭm mta phŭn djŏ tuôm hŏng dŭm klei čuăn hdră bhiăn mâo knhuah bi ala kơ krĭng kwar čiăng ksiêm duah leh anăn hưn mdah dŭm hdră êlan kơ krĭng mnuih djuê ƀiă, tal 2 jing mơĭt kơ Êpul čih mkra, čiăng mkŏ mjing klei sa ai.