Hlăm mmông mă bruă, 2 tĭng lŏ hrăm mbĭt bi klă, bi trông kơ klei mjĕ giăm bi mguôp plah wah 2 ala čar, 2 bruă Kƀĭn ala hlăm wưng êgao. Ruê̆ mmông mă bruă, 2 tĭng bi klă klei kuôl kă bi mguôp plah wah Êpul gơ̆ng bruă djuê ana Việt Nam leh anăn Dhar bruă djuê ana Bruă kƀĭn ala Lào.

Hlăm anăn, bi tŭ ư lŏ dơ̆ng bi mguôp kjăp, kah mbha klei hưn, klei hriăm hlăm dŭm mta bruă djŏ tuôm hŏng bruă klam, klei dưi mơ̆ng grăp tĭng, kah mbha, bi trông, hâo hưn kơ boh tŭ klei ksiêm dlăng, hluê ngă hdră êlan, hdră êlan klei đĭ kyar bruă duh mkra – ala ƀuôn krĭng mnuih djuê ƀiă, čư̆ čhiăng, bi mguôp mkŏ mjing dŭm klei kƀĭn trông, klei kƀĭn thơ̆ng kơ klei čih.