Êpul gơ̆ng djuê ana Bruă kƀĭn ala leh anăn Knơ̆ng bruă djuê ana nao čhưn, hơêc hmưi Tết Chôl Chnăm Thmây mnuih Khmer Trà Vinh
Thứ tư, 13:37, 05/04/2023
VOV Tây Nguyên
VOV Tây Nguyên
VOV4.Êđê- Tlam 4/4, Êpul mă bruă mơ̆ng Êpul gơ̆ng djuê ana Bruă kƀĭn ala leh anăn Knơ̆ng bruă djuê ana mâo Y Thanh Hà Niê Kdăm, Khua Êpul gơ̆ng djuê ana Bruă kƀĭn ala ngă khua êpul nao hơêč hmưi Tết Chôl Chnăm Thmây mnuih Khmer ti Trà Vinh.
Êpul nao čhưn leh anăn hơêč hmưi Tết kơ êpul hgŭm phung đăp yơng khăp kơ ala čar čar Trà Vinh, phung jih thŭn mă bruă, phung khua cách mạng ti čar. Y Thanh Hà Niê Kdăm hâo hưn hdră êlan mđĭ kyar krĭng mnuih djuê ƀiă leh anăn krĭng mnuih Khmer kwar Dhŭng.
Bruă kƀĭn ala bi mklă leh Hdră bruă kluôm leh anăn Hdră kñăm ala čar mđĭ kyar bruă duh mkra ala ƀuôn krĭng mnuih djuê ƀiă - čư̆ čhiăng wưng 2021 - 2030 hŏng êbeh 50 êbâo êklai prăk. Y Thanh Hà Niê Kdăm čang hmăng phung khua đăo yơng, phung hlue đăo lŏ dơ̆ng mđĭ lar bruă klam pô hlăm bruă mkra mđĭ mkŏ mjing êpul bi hgŭm djuê ana, mtrŭt mjhar mnuih ƀuôn sang lŏ dơ̆ng mđĭ lar ai tiê bi hgŭm, čung ba phung đăo yơng mă bruă mkra mjing, mđĭ prăk hrui wĭt, mđĭ klei hdĭp mda./.
Viết bình luận