Dua nah čih pioh dŭm boh tŭ dưn dua nah leh mâo hlăm wưng êgao hlăm klei bi hgŭm, boh nik hlăm bruă duh mkra mnia mblei, lehanăn mâo nanao hlăm klei đĭ kyar, truh 5,3 êklai dolar thŭn 2022, đĭ 10% mkă hŏng thŭn 2021.

Khua knŭk kna Phạm Minh Chính čang hmăng kơ Prăng lŏ mjing djăp klei găl kơ Việt Nam mâo čhĭ mnia jăk hŏng Prăng, lŏ hyuă kjăp hĭn djăp mta bruă kñăm mđĭ klei mkŏ mjing bi leh bruă kuôl kă mnia mblei Việt Nam - EU lehanăn bi kjăp hĭn mơh klei bi mnia mblei dua ala čar, pral truh kơ klei đru Việt Nam dưi duh bi liê jăk mbĭt hŏng EU, mâo klei bi hgŭm hlăm klei mtăp mđơr, hrăm mbĭt mâo klei tŭ dưn, čiăng kơ EU pral lăm lui lu mta klei kăm ghă hŏng mnơ̆ng jing hdang kan Việt Nam, djŏ hŏng klei mnuih blei yua Prăng čiăng mơh, lehanăn krơ̆ng kơ klei hdĭp mda mnuih trah mă kan Việt Nam./.