Êpul hgŭm phung ngă lŏ hma čar Daklak mâo êbeh 194 êbâo čô ƀĭng hgŭm. Hlăm 5 thŭn êgao, mâo leh êbeh 137 êbâo čô ƀĭng hgŭm mŭt hlăm êpul ngă bruă bi ktưn duh ƀơ̆ng, lehanăn thâo bi đru hdơ̆ng găp, bi hrŏ ƀun hŏng klei kjăp. Giăm 103 êbâo gŏ êsei djăp ênoh čuăn duh mkra mbruă, lehanăn mâo mghaih msir brei leh bruă knuă mă kơ êbeh 25.000 čô mnuih.

Bruă bi ktưn duh mkra mbruă, bi mguôp hlăm klei mă bruă, bi đru hdơ̆ng găp mđĭ kyar, lehanăn bi hrŏ ƀun hŏng klei kjăp ti Daklak mâo đru leh truh 11.000 gŏ êsei ƀĭng ngă lŏ hma tlaih mơ̆ng klei dleh dlan.  Lại Thị Loan, Khua êpul hgŭm phung ngă lŏ hma čar Daklak lač, hlăm wưng păn bruă mrâo ƀĭng ngă lŏ hma djăp gưl srăng lŏ dơ̆ng mkŏ mjing jih jang bruă, kčĕ đru kơ phung ngă lŏ hma mđĭ kyar bruă knuă mă./.