Êpul kahan hđăp čar Dak Lak ară anei mâo êbeh 50 êbâo 7 êtuh čô, hgŭm hlăm 261 êpul hgŭm nah gŭ. Hlăm 20 thŭn hlue ngă Hdră mtrŭn mrô 09 thŭn 2022 mơ̆ng Phŭn bruă kđi čar, phung kahan hđăp čar Dak Lak mđĭ ai tiê, knuih jăk “lĭng kahan Awa Hồ” hlăm klei mkŏ mjing, răng mgang Đảng, bruă sang čư̆ êa, gĭr đru mguôp klei blŭ hlăm bruă gang mkhư̆ klei ƀơ̆ng ngăn.

  Hdră phung kahan hđăp ba anăp lar bra, mơ̆ng anăn ƀuh leh anăn bi lar gru hmô kahan hđăp êdah êdi. Êpul kahan hđăp Dak Lak iêô mkrum leh giăm 138 êklai prăk čiăng lăm lui sang tĭ, đru ana mjeh, hră mkiêt mkriêm, đru kơ phung ƀun hgao klei dleh dlan. Blŭ hrăm hlăm klei bi kƀĭn, Y Biêr Niê, K’iăng Khua bruă Đảng čar Dak Lak lač, hlăm wưng kơ anăp, kahan hđăp hlăm čar brei lŏ dơ̆ng mđĭ lar bruă klam leh anăn knhuah gru jăk siam mơ̆ng lĭng kahan Awa Hồ, mtô bi hriăm knhuh gru djuê ana, klei krŭ kdơ̆ng kơ phung mda asei.