Êpul khua bruă Đảng tŭ ư bruă khua bruă sang čư̆ êa čar Dak Lak mdei bruă êlâo jih thŭn mă bruă
Thứ ba, 09:00, 15/04/2025
VOV TAYNGUYEN
VOV TAYNGUYEN
VOV4.Êđê- Hruê mbruê, hlăm klei kƀĭng thơ̆ng tal 114, Êpul khua bruă Đảng čar Dak Lak ba mdah klei bi klă mơ̆ng Êpul khua bruă Đảng kơ bruă brei Phạm Ngọc Nghị - khua bruă sang čư̆ êa čar Dak Lak brei bruă êlâo kơ jih thŭn mă bruă.
Hluê anăn, Phạm Ngọc Nghị mdei nao hgŭm hlăm Êpul khua bruă Đảng čar, mdei ngă k’iăng khua bruă Đảng čar leh anăn bruă păn djŏ tuôm. Dŭm hdră êlan đru dưi ngă hluê si klei bhiăn ară anei. Êlâo anăn, Phạm Ngọc Nghị mâo leh hră akâo mdei bruă êlâo kơ jih thŭn.
Akŏ mlan 4 mrâo êgao, ñu mâo Dhar bruă ksiêm dlăng gưl dlông ƀuah mkra kyua ngă soh hŏng dŭm klei čuăn mơ̆ng Đảng leh anăn hdră bhiăn lăn čar, ngă truh klei hmăi kjham, bi luč klei đăo knang êpul êya. Knhal jih thŭn 2024, Khua knŭk kna ƀuah ăl ñu kyua mâo klei soh hlăm klei ngă bruă.
Viết bình luận